Qazaqstannyń Aýyl sharýashylyǵy ministrligi óz qyzmetindegi sybailas jemqorlyq táýekelderine ishki taldaý júrgizýdi josparlap otyr. Bul týraly vedomstvonyń baspasóz qyzmeti málimdedi, dep habarlaidy dalanews.kz.
Taldaý 2026 jylǵy 1 qyrkúiek pen 12 qazan aralyǵynda ótedi. Onyń barysynda ministrlik qyzmetine qatysty normativtik-quqyqtyq aktilerde sybailas jemqorlyqqa jol ashýy yqtimal normalar men faktorlar anyqtalady. Sonymen qatar vedomstvonyń uiymdastyrýshylyq jáne basqarýshylyq qyzmeti de baǵalanady.
"Sybailas jemqorlyqqa qarsy is-qimyl týraly" zańnyń 8-baby 5-tarmaǵyna sáikes, ministrlik qyzmetiniń birneshe baǵyty boiynsha sybailas jemqorlyq táýekelderine ishki taldaý júrgizý josparlanyp otyr", - delingen habarlamada.
Tekserý 2025 jylǵy 1 qyrkúiekten 2026 jylǵy 31 tamyzǵa deiingi kezeńdi qamtidy.
Ishki taldaý Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń 2016 jylǵy 19 qazandaǵy №12 buiryǵymen bekitilgen úlgilik qaǵidalarǵa sáikes júrgiziledi.
