Atyraý oblysynda prokýratýranyń aralasýymen memleket menshigine jalpy quny 700 million teńgeden asatyn múlik pen jer ýchaskeleri qaitaryldy, dep habarlaidy dalanews.kz.
Prokýratýra jer qatynastary jáne memlekettik múlikti basqarý salasyna júrgizilgen taldaý barysynda senimgerlik basqarýdyń tiimsizdigine jol berilgenin anyqtaǵan.
Belgili bolǵandai, jergilikti atqarýshy organ jeke kásipkerge quny 93,7 million teńge bolatyn jertóle úi-jaiyn senimgerlik basqarýǵa bergen. Alaida kásipker shart talaptaryn oryndamaǵanyna qaramastan, ákimdik uzaq ýaqyt boiy nysandy memleketke qaitarý boiynsha tiisti shara qabyldamaǵan.
Prokýratýranyń usynýynan keiin memleket balansyna jalpy quny 400 million teńgeden asatyn birneshe jyljymaityn múlik nysany qaitaryldy.
Sonymen qatar jer paidalaný salasynda da zańbuzýshylyqtar anyqtaldy. Prokýrorlyq qadaǵalaý aktisi negizinde uzaq ýaqyt boiy maqsatty paidalanylmaǵan, jalpy quny 300 million teńge bolatyn 28 jer ýchaskesi memleket menshigine qaitarylǵan.
Prokýratýra jer qatynastary salasyndaǵy zańdylyqtyń saqtalýy men memlekettik múlikti qorǵaý jumystary turaqty baqylaýda ekenin málimdedi.
