Atyraý munai óńdeý zaýyty aýmaǵyndaǵy órt tolyq sóndirildi, dep habarlaidy dalanews.kz.
25 tamyzda saǵat 12:55-te 112 pýltine Atyraý munai óńdeý zaýyty aýmaǵynda tútin shyqqany týraly habarlama túsken.
Nysannyń ereksheligi eskerile otyryp, TJM kúshteri men quraldary joǵary shaqyrý dárejesi boiynsha oqiǵa ornyna dereý jiberilgen.
Órtti sóndirýge TJM, "Semser órt sóndirýshi", ATMA áýejaiy jáne NCOC kompaniiasynyń órt sóndirý-qutqarý qyzmetinen shamamen 65 adam men 19 tehnika jumyldyryldy.
Oqiǵa ornynda jedel shtab jumys istep, tartylǵan barlyq kúsh pen quraldardyń is-qimylyn úilestirý jumystary uiymdastyryldy. Saǵat 13:42-de órt oqshaýlanyp, odan ári taralýyna jol berilmedi.
Qazir órt tolyǵymen sóndirildi. Zardap shekkender joq. Órttiń shyǵý sebepteri anyqtalyp jatyr.
"Jaǵdai baqylaýda", - dedi TJM ókilderi.
