Atyraý munai óńdeý zaýyty (AMÓZ) Ekologiia ministrligi jasaǵan esepteýlermen kelispeitinin málimdedi. Kásiporyn óz tarapynan júrgizilgen esepterdi usynýǵa daiyn ekenin habarlady, dep habarlaidy dalanews.kz.
Sonymen qatar zaýytta 100 tonnadan astam gazdyń alaýda jaǵylýyna qatysty túsinikteme berildi. Kásiporyn ókilderiniń aitýynsha, gazdy alaý qondyrǵysyna jiberý óndiristik úderistiń bir bóligi bolyp sanalady jáne tehnologiialyq qondyrǵylardyń jumysynda aqaýlar týyndaǵan jaǵdaida da qoldanylady.
Sondai-aq AMÓZ málimetinshe, 2026 jylǵy 2-7 qyrkúiek aralyǵynda sanitarlyq-qorǵaý aimaǵynyń shekarasynda júrgizilgen baqylaý nátijesinde kúkirtsýtek mólsheriniń shekti deńgeiden asqany tirkelmegen. Kásiporynnyń habarlaýynsha, bul baqylaýdy sanitariialyq-epidemiologiialyq qadaǵalaý salasyndaǵy ýákiletti organ júrgizgen.
Buǵan deiin turǵyndardyń shaǵymynan keiin ekologtar Atyraý munai óńdeý zaýytynda jospardan tys tekserý júrgizip, birqatar zańbuzýshylyqtardy anyqtalǵany belgili bolǵan edi. Tekserý barysynda kómirtek totyǵy men azot oksidteri boiynsha ruqsat etilgen mólsherden asyp ketý derekteri, shyǵaryndylardy esepteýdegi kemshilikter jáne avtomatty monitoring júiesiniń jumysyna qatysty máseleler anyqtalǵan.
Sondai-aq 25 tamyzda jáne 2-7 qyrkúiek aralyǵynda bolǵan óndiristik aqaýlar saldarynan alaý qondyrǵysynda 100 tonnadan astam gaz jaǵylǵan. Anyqtalǵan zańbuzýshylyqtarǵa bailanysty ákimshilik ister boiynsha materialdar sot qaraýyna jiberilgen.
