Astana turǵyndary qazaqtyń kórnekti kompozitory Shámshi Qaldaiaqovtyń shyǵarmashylyǵyna arnalǵan mýzykalyq chellendjge qosyldy, dep habarlaidy dalanews.kz.
15 tamyzda Shámshi Qaldaiaqovtyń týǵan kúnine orai uiymdastyrylǵan mýzykalyq estafetany mádeniet, bilim jáne jastar salasynyń ókilderi, shyǵarmashylyq ujymdar, balalar, ziialy qaýym ókilderi, elordanyń belsendi turǵyndary men aǵa býyn ókilderi qoldady.
Chellendjge qatysýshylar kompozitordyń kópshilikke tanymal ánderin oryndap, beinejazbalaryn áleýmettik jelilerde jariialap jatyr. Olar mýzykalyq estafetany dostaryna, áriptesterine jáne jaqyndaryna joldaýda.
Uiymdastyrýshylardyń aitýynsha, mýzykalyq chellendj ártúrli býyn ókilderi men túrli sala mamandaryn bir arnaǵa toǵystyryp, Shámshi Qaldaiaqovtyń tyńdarman júreginen oryn alǵan shyǵarmalaryna qaita nazar aýdarýǵa múmkindik berdi.
Mýzykalyq estafeta áli de jalǵasyp jatyr. Oǵan kez kelgen adam qatysa alady. Ol úshin kompozitordyń súiikti ánin oryndap, beinejazbasyn áleýmettik jelige jariialaý jáne estafetany ózge adamdarǵa joldaý jetkilikti.
