Astanadaǵy Roza Baǵlanova kóshesinde ornalasqan kópqabatty turǵyn úidiń terezesinen qyz qulap, oqiǵa ornynda qaitys boldy, dep habarlaidy dalanews.kz.
Kýágerlerdiń aitýynsha, qyz qulaǵan kezde úi mańynda turǵan kýrerdiń mototsiklin janap ótken. Oqiǵa ornyna jedel járdem qyzmeti shaqyrylǵanymen, qyz aýyr jaraqat saldarynan dárigerler kelgenge deiin kóz jumǵan.
Politsiia departamenti atalǵan faktini rastady. Aldyn ala málimet boiynsha, qyz terezeden ózi sekirgen bolýy múmkin.
Qazir atalǵan derek boiynsha qylmystyq is qozǵaldy. Quqyq qorǵaý organdary oqiǵanyń mán-jaiyn, sebepterin jáne barlyq jaǵdailaryn anyqtaý úshin tergeý júrgizip jatyr.
Oqiǵanyń ózge derekteri ázirge jariialanǵan joq. Tergeý nátijesi boiynsha qosymsha aqparat beriledi.
