19 tamyzda saǵat 19:00 shamasynda Arys garnizonyndaǵy áskeri bólimderdiń biriniń tehnikalyq aýmaǵynda qurǵaq shóp órtengen. Bul týraly Qorǵanys ministrligi málimdedi, dep habarlaidy dalanews.kz.
Órt saldarynan buǵan deiin joiýǵa daiyndalǵan oq-dári bólshegi atylǵan. Oqiǵa kezinde eshkim zardap shekken joq, nysandarǵa da zaqym kelmegen.
"Qazir jaǵdai baqylaýda. Órt oshaǵy oqshaýlanyp, oqiǵa ornynda tiisti qyzmetter jumys istep jatyr", - dep jazylǵan habarlamada.
Qorǵanys ministrligi azamattardy áleýmettik jelide taraǵan tekserilmegen aqparatqa senbeýge jáne tek resmi derekkózge súienýge shaqyrdy.
