Arys qalasyndaǵy áskeri bólim aýmaǵynda qýraǵan shóp órtenip, joiýǵa daiyn turǵan oq-dáriniń bir bóligi jarylǵan. Bul týraly Shymkent garnizony málimdedi, dep habarlaidy dalanews.kz.
Olardyń habarlaýynsha, sársenbi kúni saǵat 19:00 shamasynda áskeri bólimniń tehnikalyq aýmaǵynda qýraǵan shóp órtengen.
"Saldarynan joiýǵa aldyn ala daiyndalǵan oq-dári bólshegi jarylǵan. Zardap shekkender joq, nysandarǵa zaqym kelgen joq", - dep habarlady Shymkent garnizony.
Vedomstvo órttiń tolyq sóndirilgenin jáne jaǵdaidyń baqylaýda ekenin jetkizdi.
