Armeniianyń burynǵy prezidenti Robert Kocharian men onyń uly quqyq qorǵaý organdarynyń júrgizgen tergeý sharalary aiasynda ustaldy, dep habarlaidy dalanews.kz.
Armeniianyń Sybailas jemqorlyqqa qarsy komiteti 25 tamyz kúni eldiń ekinshi prezidenti Robert Kocharianǵa jáne onyń otbasy múshelerine tiesili ondaǵan mekenjaida tintý jáne ózge de tergeý áreketteri júrgizilgenin habarlady.
Vedomstvo málimetinshe, tergeý aiasynda quqyq qorǵaý organdary Robert Kochariannyń uldary Levon men Sedrak Kochariandardyń páterlerine de kirgen.
Ázirge tintýlerdiń naqty qandai is boiynsha júrgizilip jatqany jáne Kocharian men onyń ulyna qandai aiyp taǵylǵany resmi túrde jariialanǵan joq.
Robert Kocharian Armeniiany 1998-2008 jyldary basqarǵan. Ol eldiń saiasi ómirindegi eń yqpaldy tulǵalardyń biri sanalady. Sońǵy jyldary burynǵy prezidentke qatysty birneshe qylmystyq is qozǵalyp, olardyń birqatary qoǵamda qyzý talqylanǵan bolatyn.
Quqyq qorǵaý organdary júrgizip jatqan tergeý jalǵasyp jatyr.
