Aqtóbe oblysynda «Taza Qazaqstan» ekologiialyq aktsiiasy aiasynda tazalyq pen qoǵamdyq tártipti saqtaý boiynsha jumys jalǵasyp jatyr, dep habarlaidy dalanews.kz.
Politsiia qyzmetkerleri ákimshilik ýchaskelerde turaqty túrde profilaktikalyq is sharalar júrgizip, abattandyrý erejelerin buzý, qoǵamdyq oryndardy lastaý jáne qoqysty belgilenbegen jerge tastaý faktilerin anyqtaýda.
Jyl basynan beri politsiia abattandyrý salasynda 600-ge jýyq quqyq buzýshylyqty anyqtady. Árbir fakti boiynsha zańnamaǵa sáikes tiisti sharalar qabyldanady.
Ýchaskelik inspektorlar turǵyndarmen túsindirý jumystaryn da júrgizip jatyr. Azamattarǵa kóshelerdi, aýlalardy jáne qoǵamdyq oryndardy lastamaý, turmystyq qaldyqtardy belgilengen oryndarǵa tastaý qajettigi túsindiriledi.
Politsiia zańsyz qoqys oryndarynyń paida bolýyna jol bermeýge erekshe nazar aýdaryp otyr. Turǵyndarǵa turmystyq qaldyqtardy tek arnaiy belgilengen oryndarǵa tastaý jáne qorshaǵan ortaǵa jaýapkershilikpen qaraý eskertiledi.
«Taza Qazaqstan» aktsiiasy aýmaqtardy abattandyrýmen qatar, turǵyndardyń qorshaǵan ortaǵa degen jaýapkershiligin arttyrýǵa baǵyttalǵan.
Politsiia ókilderi tazalyq pen abattandyrý talaptaryn saqtaý ortaq jaýapkershilik ekenin atap ótti.
