AQSH áskerı qaqtyǵys bolǵan jaǵdaıda ırandyq zymyrandardy toıtarý maqsatynda Taıaý Shyǵystaǵy áskerı bazalarynda Patriot zenıttik-zymyran keshenderi men THAAD zymyranǵa qarsy qorǵanys júıelerin ornalastyrdy. Bul týraly The Economist basylymy jazdy, dep habarlaıdy Dalanews.kz.
Basylym málimetinshe, qazirgi tańda amerıkalyq áskerı ınfraqurylym tolyq daıyndyq kúıine keltirilgen.
"Joıǵysh ushaqtar, Patriot jáne THAAD keshenderi, áýede janarmaı quıýǵa arnalǵan ushaqtar men logıstıkalyq ortalyqtar óz oryndaryna ornalastyryldy", - dep jazady The Economist.
Basylym AQSH-tyń Taıaý Shyǵystaǵy áskerı toby sońǵy ýaqytta aıtarlyqtaı jyldam ózgeriske ushyraǵanyn atap ótedi. Bul aımaqtaǵy qaýipsizdik ahýalynyń kúrdelenýimen jáne Iran tóńiregindegi geosaıası shıelenistiń kúsheıýimen baılanysty bolýy múmkin.
