Memlekettik hatshy Beıjińdi pandemıany jeke múddesine paıdalandy dep aıyptady.
Pompeo 21 shildede Londonda Ulybrıtanıanyń premer-mınıstri Borıs Djonson jáne Syrtqy ister mınıstri Domınık Raabpen kelissóz júrgizgennen keıin osyndaı málimdeme jasaǵan. Vashıngton Beıjińdi koronavırýs indeti týraly shyndyqty jasyrdy, adam quqyǵyn buzdy jáne kıberqaraqshylyqpen aınalysty dep aıyptap otyrǵan kezde osyndaı aqparat shyǵyp otyr.
Pompeo memleketterdi «erkindik pen demokratıanyń qadirin túsinip, baǵalaýǵa» jáne Qytaı tarapynan tóngen qaýipti moıyndaýǵa shaqyrdy. AQSH memlekettik departamentiniń basshysy Brıtan premerimen kelissózderdiń «konstrýktıvti» ótkenin jetkizdi.
Taraptar ózge máselelermen qatar Gonkongtegi jaǵdaı, Qytaı batysyndaǵy Shyńjańda adam quqyǵynyń buzylýy, mobıldi baılanys boıynsha qytaı tehnologıasynyń álemge taralý máselesin talqylaǵan.
