The Conference Board esebinde AQSh-tyń memlekettik qaryzy ósýi nesie alý quny qymbattaýyna ákep soǵyp, amerikalyq otbasylar men kásipkerlerge túsetin qysymdy kúsheitýi múmkin ekeni aitylǵan, dep habarlaidy dalanews.kz.
Málimetke súiensek, qazir AQSh-tyń memlekettik qaryzy 39 trillion dollardan asqan. Ár amerikalyqqa shaqqanda shamamen 116 myń dollardan keledi.
Biýdjet tapshylyǵynyń ósýi stýdenttik nesie, ipoteka jáne shaǵyn biznesti qarjylandyrý shyǵynyn ósirýi múmkin. Sonymen qatar, memlekettik qaryzdyń ósýi zeinetaqy júiesine de qaýip tóndiredi.
Qazirgi boljam boiynsha AQSh-taǵy negizgi áleýmettik qamsyzdandyrýdyń zeinetaqy qory 2032 jylǵa qarai tólem qabiletinen aiyrylýy múmkin.
Bul jaǵdai AQSh biligin memlekettik qarjy júiesin reformalaýǵa jáne qaryz kólemin turaqtandyrýǵa baǵyttalǵan sharalardy jedeldetýge májbúr etýi yqtimal.
