AQSh-taǵy eń aýqatty azamattardyń bailyǵy tarihi eń joǵary deńgeige jetti. Qazir eldegi eń bai 0,00001% turǵyn ulttyq tabystyń shamamen 12%-yn baqylap otyr. Bul týraly Bloomberg málimdedi, dep habarlaidy dalanews.kz.
Sarapshylardyń túsindirýinshe, ulttyq tabys – bul ekonomikadaǵy barlyq tabystyń jiyntyǵy. Oǵan eńbek aqy, kásipkerlik qyzmetten túsetin paida jáne investitsiialyq kirister kiredi. Bloomberg deregine sáikes, 2008 jylǵy jahandyq qarjy daǵdarysynan beri AQSh-taǵy eń bai adamdardyń ulttyq tabystaǵy úlesi tórt eseden astam ósken.
Salystyrý úshin, 1950–1990 jyldar aralyǵynda bul kórsetkish eshqashan 1%-dan aspaǵan.
Sarapshylar mundai ósimdi qor naryǵyndaǵy aktsiialardyń buryn-sońdy bolmaǵan qymbattaýymen jáne jyljymaityn múlik baǵasynyń aitarlyqtai ósýimen bailanystyrady. Sonyń nátijesinde eń kóp paida aktivterdiń – aktsiialar, kompaniialar men jyljymaityn múliktiń ielerine tigen. Al mundai aktivteri joq azamattar bul ósimnen aitarlyqtai paida kórmegen.
