AQSh-tyń Niý-Iork qalasyndaǵy federaldyq sot Qazaqstan azamattaryna immigratsiialyq viza berýdi shektegen sheshimniń kúshin joidy, dep habarlaidy dalanews.kz.
Sot ákimshiliktiń bul saiasatyn zańsyz dep tanyp, memlekettik hatshy Marko Rýbio óz ókilettigin asyra paidalanǵan degen qorytyndyǵa keldi. Osylaisha, Donald Tramp ákimshiligi engizgen shekteý jaramsyz dep tanyldy.
Eske salsaq, Qazaqstan 2026 jylǵy 21 qańtardan bastap AQSh Memlekettik departamenti immigratsiialyq viza berýdi toqtatqan 75 eldiń qataryna engizilgen bolatyn. Vashington bul sheshimdi AQSh-qa keletin azamattardyń áleýmettik kómek júiesine júkteme túsirýi múmkin degen ýájben túsindirgen edi.
Shekteý tek immigratsiialyq vizalarǵa qatysty boldy. Iaǵni AQSh-qa turaqty turý maqsatynda qonys aýdarǵysy keletin azamattarǵa áser etti. Al týristik jáne iskerlik vizalardy rásimdeý tártibi ózgerissiz qaldy.
Sot sheshimi kúshine engennen keiin Qazaqstan azamattary úshin immigratsiialyq viza alý múmkindigi qaita qalpyna keltiriledi dep kútilýde.
