AQSh pen Iran arasyndaǵy jaǵdai qaita shielenisti, dep habarlaidy dalanews.kz.
Ormýz buǵazy mańynda úsh kommertsiialyq kemege shabýyl jasalǵannan keiin AQSh áskeri Iran aýmaǵyndaǵy birneshe nysanǵa áýe soqqylaryn qaita bastady. Soqqy jasalǵan oryndardyń qatarynda Qazaqstan óz terminalyn salyp jatqan Bender-Abbas porty da bar.
Osylaisha, eki el arasyndaǵy ýaqytsha saqtalǵan bitim is júzinde buzyldy. Sarapshylardyń pikirinshe, jańa shabýyldar aimaqtaǵy qaýipsizdik jaǵdaiyn odan ári ýshyqtyryp, halyqaralyq tasymal men saýda baǵyttaryna áser etýi múmkin.
Áskeri shielenistiń kúsheiýi Qazaqstan men Iran kólik-logistika salasyndaǵy yntymaqtastyqty belsendi damytyp jatqan kezeńge tuspa-tus keldi.
Maýsym aiynda eki el kólik dálizderin damytý jumystaryn jedeldetýge ýaǵdalasyp, Bender-Abbas qalasyndaǵy Shahid Radjai portynan Qazaqstanǵa arnaiy terminal aýmaǵyn berý týraly kelisimge kelgen bolatyn. Bolashaqta bul nysan qazaqstandyq ónimderdi Parsy shyǵanaǵy elderine, sondai-aq Ońtústik jáne Ońtústik-Shyǵys Aziia memleketterine jetkizetin mańyzdy logistikalyq habqa ainalady dep josparlanǵan. Buǵan qosa, Iran tarapy Qazaqstanǵa Chabahar portynda jumys isteýge múmkindik berýge daiyn ekenin de málimdegen edi.
Alaida qazir bul óńir áskeri qaqtyǵys qaýpi kúsheigen aimaqqa ainalyp otyr. Jaǵdaidy Irannyń ishki saiasi ahýaly da kúrdelendire tústi. Elde joǵarǵy dini kóshbasshy Áli Hameneidi jerleý rásimderi jalǵasýda. Ony jerleý 9 shildede Meshhed qalasynda ótedi dep josparlanǵan.
