Áleýmettik meditsinalyq saqtandyrý qory tóraǵasynyń orynbasary ShQO-da biýdjet qarajatyn jymqyrdy dep kúdikke ilindi,dep habarlaidy Dalanews.kz.
Áleýmettik meditsinalyq saqtandyrý qory (ÁMSQ) tóraǵasynyń orynbasary Shyǵys Qazaqstan oblysynda (ShQO) biýdjet qarajatyn jymqyrdy degen kúdikke ilindi. Bul týraly Sybailas jemqorlyqqa qarsy qyzmet tóraǵasynyń orynbasary Darhan Quraqbaev habarlady.
«Bul is Shyǵys Qazaqstan óńiri turǵyndaryn emdeýge bólingen biýdjet qarajatyn jymqyrýǵa bailanysty. Men tek kúdikti laýazymdy tulǵanyń tergeý múddesi úshin qyzmetinen ýaqytsha shettetilgenin ǵana aita alamyn», – dedi Quraqbaev senat kýlýarynda.
Ol tergeý múddesine bailanysty basqa aqparat jariia etilmeitinin aitty.
Aita keteiik, qazirgi ýaqytta ÁMSQ basqarma tóraǵasynyń mindetin atqarýshy qyzmetin Svetlana Ponomareva atqarady, al tóraǵa orynbasarlary – Saýle Tájibaeva, Ǵalymjan Ábilov jáne Indira Serikova.
Olardyń ishinde tek Ǵalymjan Ábilovtiń ǵana ShQO-da jumys istegeni belgili. Ol 2022 jyldan bastap Abai oblysyndaǵy qor filialyn basqarǵan, al oǵan deiin 2019 jyldyń tamyz aiynan bastap ÁMSQ-nyń Shyǵys Qazaqstan oblystyq filialynyń direktory bolǵan. 2024 jyldyń shilde aiynda ÁMSQ tóraǵasynyń orynbasary qyzmetine taǵaiyndalǵan.
