Almaty oblysynda denesi órtengen kúide tabylǵan politsiia qyzmetkeri Aslan Álserovtiń qazasyna qatysty jańa málimetter jariialandy. Alaida aqparattyń bir bóligi ázirge resmi organdar tarapynan rastalǵan joq, dep habarlaidy Alash.kz.
Aldyn ala derek boiynsha, qaiǵyly oqiǵa Politsiia kúni qarsańynda bolǵan. Sol kúni marqum jumystan úiine kesh kelgen. Keiin úi ishinde turmystyq janjal týyndap, onyń sońy tóbeleske ulasýy múmkin.
Beiresmi aqparatta Aslan Álserov pen onyń jubaiynyń arasynda buǵan deiin de otbasylyq kikiljińder bolǵany aitylady. Degenmen bul málimetterge quqyq qorǵaý organdary resmi túsinikteme bergen joq.
Tergeýdiń aldyn ala nusqasyna sáikes, úidegi janjal kezinde áieldiń 15 jastaǵy eki uly men olardyń 14 jastaǵy tanysy kelgen. Jasóspirimderdiń biri politseidiń basynan qatty zatpen urýy múmkin degen boljam bar. Qazir tergeýshiler soqqynyń qandai zatpen jasalǵanyn anyqtap jatyr.
Keibir málimetterde es-tússiz jatqan er adamnyń qol-aiaǵy kiimmen bailanyp, denesi kórpege nemese jaimaǵa oralǵany aitylady. Keiin ony kópqabatty úidiń mańyndaǵy kólikke salyp, Almaty oblysynyń Kegen aýdanyna qarai alyp ketken bolýy múmkin.
Tańǵa jýyq kólik Kókpek – Kóktal – Kegen tas joly mańyna jetken. Boljam boiynsha, kúdiktiler joldan taýǵa qarai shamamen jarty shaqyrym júrip, sol jerde politseidiń denesin órtegen.
Marqumnyń súiegin taýda joǵalǵan malyn izdep júrgen jergilikti turǵyn taýyp, quqyq qorǵaý organdaryna habarlaǵan.
Qazir qylmystyń mán-jaiyn anyqtaý úshin sot-meditsinalyq saraptamalar taǵaiyndalyp, erli-zaiyptylardyń uialy telefondary tekserilmek.
Aldyn ala aqparatqa sáikes, Arailym Álserova, onyń eki uly jáne 14 jastaǵy jasóspirim ustalǵan. Olardyń ýaqytsha ustaý izoliatoryna qamalǵany jáne kinásin moiyndaǵany týraly málimet taraǵanymen, resmi organdar bul aqparatty ázirge tolyq rastaǵan joq.
Konstitýtsiiaǵa sáikes, kúdiktilerdiń kinási sot úkimi zańdy kúshine engenge deiin dáleldengen bolyp eseptelmeidi.
Aslan Álserov politsiia qyzmetinde shamamen 10 jyl eńbek etken. Ol buǵan deiin arnaiy jedel áreket etý bóliminde qyzmet atqaryp, keiin Almaty qalasy Áýezov aýdandyq politsiia basqarmasynyń qylmystyq politsiia bóliminde aǵa detektiv bolǵan.
