Almatydaǵy №542 sailaý ýchaskesinde ornalasqan №187 mektepte Quryltai sailaýy erekshe rýhta ótip jatyr. Daýys berýge kelgen turǵyndardy qazaqtyń qasietti qara dombyrasynan tógilgen kúimen qarsy alyp, sailaý ýchaskesine ulttyq naqyshtaǵy erekshe kóńil kúi syilady, dep habarlaidy dalanews.kz.
Sailaý barysynda dombyranyń qońyr úni áýelep, ýchaskege jinalǵandardyń nazaryn aýdardy. Kúidiń kúmbirlegen úni daýys berý sátine airyqsha reńk berip, mańyzdy saiasi naýqandy ulttyq ónermen sabaqtastyra tústi.
Turǵyndar kúi tyńdap, kóterińki kóńil kúimen tańdaý jasap jatyr. Áýezdi áýen sailaý ýchaskesindegi qalypty jumys barysyn buzbai, kerisinshe, tańǵy ýaqytty erekshe áserge bóledi.
