Almatynyń Almaly aýdanyndaǵy Lamiya turǵyn úi kesheninde túngi ýaqytta órt boldy, dep habarlaidy dalanews.kz.
Tótenshe jaǵdailar ministrliginiń málimetinshe, órt kópqabatty turǵyn úidiń kabel shahtasynan bastalǵan. Oqiǵaǵa bailanysty órt sóndirýshiler joǵary dárejeli shaqyrtý boiynsha jumyldyryldy.
Qutqarýshylar turǵyndardy jedel evakýatsiialap, órt oshaǵyn anyqtaý jumystaryna kiristi. Bul úshin teplovizorlar qoldanylyp, oqiǵa ornynda jedel shtab quryldy.
Mamandardyń jedel áreketiniń arqasynda órt tolyq sóndirildi. Qazirgi ýaqytta zardap shekkender týraly aqparat túsken joq.
