Almatyda kommýnaldyq aqyly avtoturaqtardy paidalaný tártibi ózgeredi. Jańa qaǵidaǵa sáikes kópqabatty úidegi páterler men kommertsiialyq nysandardyń menshik ieleri jáne jalǵa alýshylar úiinen 500 metrge deiingi qashyqta ornalasqan bir kommýnaldyq avtoturaqty tegin paidalaný quqyǵyn ala alady, dep habarlaidy dalanews.kz.
Bul múmkindik bir úi-jaiǵa bir kólikke beriledi. Alaida naqty turaq orny bekitilmeidi, iaǵni kólikti tek bos oryn bolǵan jaǵdaida qoiýǵa bolady.
Tegin turaqty paidalaný úshin 17 tamyzdan bastap "Almaty parking" KMK saity nemese eOtinish arqyly ótinish berýge bolady. Kólik ótinish berýshiniń atyna tirkelýi kerek.
Bul jeńildik jerasty, kópdeńgeili, mehanikalandyrylǵan jáne qoǵamdyq kólikke aýysyp minýge arnalǵan avtoturaqtarǵa qoldanylmaidy.
Sonymen qatar, Almatyda kommýnaldyq avtoturaqtar sany kóbeiedi. Biyl 8 myńnan asa jańa oryn ashý josparlanǵan. Nátijesinde olardyń jalpy sany 17 myńnan 25 myńǵa deiin jetedi.
Al múgedektigi bar adamdar, keibir ardagerler, kópbalaly analar jáne elektromobil ieleri siiaqty jeńildik sanatyna kiretin azamattar úshin avtoturaq aqysyn tólemeý tártibi saqtalady.
