Almatyda 65 jastaǵy áielge qatysty jynystyq sipattaǵy zorlyq áreketterin jasady degen kúdikpen er adam ustaldy, dep habarlaidy dalanews.kz.
Almaty qalasy politsiia departamentiniń málimetinshe, atalǵan fakti boiynsha Áýezov aýdandyq politsiia basqarmasy qylmystyq is qozǵaǵan. Kúdikti ustalyp, ýaqytsha ustaý izoliatoryna qamaldy.
Buǵan deiin áleýmettik jelilerde oqiǵa 17 tamyzda bolǵany týraly aqparat taraǵan. Jariialanǵan málimetterge sáikes, er adam áieldiń úiine shai ishý syltaýymen kelgen. Týystarynyń aitýynsha, ol áieldiń dármensiz jaǵdaiyn paidalanyp, oǵan qatysty zorlyq áreketin jasaǵan.
Sol kúni jábirlenýshiniń qyzy, iaǵni kúdiktiniń áieli, politsiiaǵa júgingen.
Politsiia kúdiktiniń áreketine quqyqtyq baǵa beriletinin málimdedi. Onyń kinási sotta dáleldengen jaǵdaida zańǵa sáikes jaýapqa tartylady.
Sonymen qatar Almaty politsiiasy áleýmettik jelilerde taraǵan aqparatqa qatysty tekserý júrgizilip jatqanyn habarlady. Vedomstvo jalǵan aqparat taratqany úshin jaýapkershilik qarastyrylǵanyn eskertti.
