Almaty taýlarynda er adam jartastyń ústinde tepe-teńdigin ustai almai, saiǵa qulap ketken. Tótenshe jaǵdailar ministrliginiń qutqarýshylary oǵan alǵashqy meditsinalyq kómek kórsetip, taýdan evakýatsiialady, dep habarlaidy dalanews.kz.
Oqiǵa Almaty oblysy Qarasai aýdanyndaǵy Terra alańy mańynda, teńiz deńgeiinen 2610 metr biikte bolǵan. Er adam qulaǵannan keiin es-tússiz jatqan.
Oqiǵa ornyna Qazaqstan TJM Respýblikalyq jedel qutqarý jasaǵynyń "Barys" qutqarýshylary jáne Almaty ákimdiginiń Monitoring jáne jedel den qoiý ortalyǵynyń qyzmetkerleri jiberilgen. Qutqarýshylar Prohodnoe shatqaly arqyly taýly baǵytpen jaiaý jetýge májbúr bolǵan.
Olar zardap shekken er adamdy saidan taýyp, birden alǵashqy meditsinalyq kómek kórsetken.
Qulaǵan kezde er adam tasqa soǵylyp, basynan jaraqat alǵan. Qutqarýshylar ony taýly aimaqtan qaýipsiz jerge shyǵaryp, meditsina qyzmetkerlerine tapsyrǵan.
Keiin zardap shekken adam odan ári tekserilip, meditsinalyq kómek alý úshin №12 qalalyq klinikalyq aýrýhanaǵa jetkizilgen.
