Almatynyń qurylys salasynda eńbek etetin azamattar turǵyndardy Quryltai sailaýyna belsendi qatysýǵa jáne el bolashaǵy úshin óz tańdaýyn jasaýǵa shaqyrdy, dep habarlaidy dalanews.kz.
BI Group qurylysshylary kún saiyn adal eńbegimen Almatynyń damýyna jáne zamanaýi baspanalardyń salynýyna óz úlesterin qosyp keledi. Jańa tehnologiialardy paidalanyp, zamanaýi talaptardy ustana otyryp, kompaniia mamandary sapaly jumys atqaryp, el igiligine qyzmet etýdi basty mindetteriniń biri sanaidy.
Eńbek adamdary úshin otbasynyń berekesi, ózara syilastyq, eldegi tynyshtyq pen turaqtylyqtyń mańyzy zor. Olar balalarynyń damyǵan, qýatty ári bolashaǵy jarqyn elde óskenin qalaidy.
«Búginde elimiz mańyzdy kezeń aldynda tur. Quryltai sailaýy – el bolashaǵyna qatysty sheshimder qabyldanatyn jaýapty sát. Sondyqtan sailaýdan qalys qalmai, elimizdiń bolashaǵy úshin óz tańdaýymyzdy jasaý qajet», – deidi Almaty qurylysshylary.
Olar barlyq azamattardy azamattyq jaýapkershilik tanytyp, sailaýǵa belsendi qatysýǵa jáne eldiń bolashaǵyna óz úlesin qosýǵa shaqyrdy.
