Almaty oblysynyń taýlarynan adam súiegi tabyldy. Ony eki aptalyq baǵyt boiynsha joryqtan qaityp kele jatqan belarýstik týrister anyqtaǵan, dep habarlaidy dalanews.kz.
Facebook jelisindegi jazba avtorynyń málimetinshe, týrister adam súiegin Severtsov muzdyǵynan tapqan. Olar bul týraly qutqarýshylarǵa habarlap, oqiǵa ornynan túsirilgen videony tapsyrǵan.
Qazir adam súiegin alyp shyǵý úshin Tótenshe jaǵdailar ministrliginiń "Qazaviaqutqarý" tikushaǵy jiberildi. Onyń bortynda "Barys" jasaǵynyń qutqarýshylary men Apattar meditsinasy ortalyǵynyń mamandary bar.
Súiek taýdan túsirilgennen keiin Almaty oblysynyń politsiiasyna tapsyrylady.
