Almaty oblysynda 20 jeke sot oryndaýshysy býkmekerlik keńsede turaqty túrde oiyn shottaryn tolyqtyryp, qumar oiyndarǵa júieli túrde qatysqany anyqtaldy, dep habarlaidy dalanews.kz.
Olar oiyn shottaryna aýdarǵan qarajattyń jalpy kólemi 180 mln teńgege jýyqtaǵan.
Tekseris nátijesinde olardyń bireýi úsh jyl ishinde oiyn shotyna 139 mln teńge, taǵy biri 26 mln teńge aýdarǵany belgili boldy.
"Mańyzdy fýnktsiialardy júzege asyratyn tulǵalardyń osyndai kólemdegi qarajatpen qumar oiyndarǵa qatysýy kásibi ádep qaǵidattaryna qaishy keledi jáne qoǵamnyń jeke sot oryndaýshylary institýtyna degen senimine keri áser etedi", - dep eskertti prokýratýra ókilderi.
Prokýrorlyq qadaǵalaý aktileri Ádilet departamenti men Jeke sot oryndaýshylarynyń óńirlik palatasyna joldanyp, zańda kózdelgen sharalardy qabyldaý máselesi kóterilgen.
