Almaty oblysynda «Jol aktivteri sapasynyń Ulttyq ortalyǵy» mamandary respýblikalyq mańyzy bar avtomobil joldarynyń qurylysy, jóndelýi jáne kútip-ustalýy syndy jumystardyń sapasyna baqylaý kúsheitti, dep habarlaidy dalanews.kz.
Nátijesinde Almaty oblysyndaǵy respýblikalyq joldardan alynatyn synamalardyń sapasy arta bastaǵan. Máselen, jyl basynan sapa saraptamasy boiynsha qurylys jáne jóndeý nysandaryna 39 shyǵý júzege asyrylyp, 229 jol qurylys materialdary (JQM) alynǵan, onyń 71 (31%) normaǵa sáikes emes, 158 sáikes boldy. Qazirgi tańda Respýblikalyq jelilerde 2026 jyly 12 joba iske asyrylýda, onyń ishinde qaita jańǵyrtý 1, kúrdeli jóndeý 1, ortasha jóndeý 10 joba, olardyń jalpy uzyndyǵy 315 shaqyrym. Kútip-ustaý jumystary boiynsha 82 shyǵý jasalǵan, 40 jol qurylys materialdary (JQM) alynyp, barlyǵy normaǵa sáikes boldy.
Respýblikalyq joldarda jalpy 313 aqaýlar anyqtalyp, onyń 265 (85%) joiyldy, qalǵan 48 (15%) aqaý boiynsha joiý jumystary júrgizilip jatyr. Onyń ishinde 18 aqaý kúrdeli jáne ortasha jóndeý jumystarynda anyqtalǵan, olardyń búginde 9-y joiyldy, qalǵany boiynsha merdigerlermen jumystar istelip jatyr.
Al joldardaǵy jii kezdesetin aqaýlardy jóndeý kezindegi ýaqytsha jol belgilerine qatysty kepildik merziminde 15 nysan bar, onyń ishinde 2 nysan qaita jańǵyrtý, 4 nysan kúrdeli jóndeý, 8 ortasha jóndeý jáne 1 nysan jóndelip jatyr. Nysandar boiynsha «QazAvtoJol» UK Almaty oblystyq filialymen, merdiger jáne tehnikalyq qadaǵalaý mekemelerimen komissiialyq kúzgi tekserýler júrgizilip, anyqtalǵan aqaýlar boiynsha merdigerlerge joiý boiynsha tapsyrmalar berildi.
