Almaty oblysynda iz-tússiz joǵalǵan 70 jastaǵy Aleksandr Savorovskiidi izdeý jumystary jalǵasyp jatyr. Zeinetker 11 maýsymda úiinen shyǵyp ketkennen oralmaǵan, dep habarlaidy dalanews.kz "KTK" telearnasyna siltep.
Týystarynyń aitýynsha, er adam dementsiia dertine shaldyqqan. Ol óz esimin, jaqyndaryn jáne turǵylyqty mekenjaiyn esine túsire almaidy, sondai-aq, sóileý qabiletinde qiyndyqtar bar.
Beinebaqylaý kameralaryndaǵy jazbalarǵa sáikes Aleksandr Savorovskii avtobýsqa otyryp, "Altyn Orda" bazaryna barǵan. Keiin Qaskeleń tasjoly baǵytyna qarai bet alǵan. Onyń sońǵy ret júrgen jeri Qaskeleń tasjolynyń 19-shaqyrymy mańynan anyqtalǵan.
Qazir zeinetkerdi izdeýge 100-den asa adam jumyldyrylǵan. Týystary, eriktiler men politsiia qyzmetkerleri Almalybaq aýylyn jáne mańaidaǵy aýmaqtardy tekserip jatyr. Izdeý barysynda drondar qoldanylyp, egistik alqaptar men sý aidyndary qaralǵan.
Eriktilerdiń málimetinshe, zeinetker Almaty qalasyna qaita oralýy da múmkin.
Aqparat biletin azamattar +7 705 979 9537 nómirine habarlasa alady.
