Almaty oblysynyń Kegen aýdanynda aýyl turǵyndaryna meditsinalyq kómektiń qoljetimdiligin arttyrýǵa baǵyttalǵan mańyzdy nysandar iske qosyldy. 19 tamyzda Taldy jáne Jaidaqbulaq aýyldarynda jańa meditsinalyq pýnktter ashyldy, dep habarlaidy dalanews.kz.
Jańa nysandardyń ashylý saltanatyna Kegen aýdanynyń ákimi Nurbaqyt Teńizbaev, memleket jáne qoǵam qairatkerleri, máslihat depýtattary, mekeme jáne uiym basshylary, aýyl aqsaqaldary men ardagerler, analar keńesiniń ókilderi, jastar, eriktiler jáne aýyl turǵyndary qatysty.
Zamanaýi talaptarǵa sai salynǵan meditsinalyq pýnktterde aýyl turǵyndaryna alǵashqy meditsinalyq-sanitarlyq kómek kórsetilip, profilaktikalyq tekserýler júrgiziledi. Sonymen qatar aýrýlardyń aldyn alý, ana men bala densaýlyǵyn qorǵaý jáne qajetti jaǵdaida shuǵyl meditsinalyq kómek kórsetýge múmkindik bar.
Jańa nysandardyń ashylýy aýyl turǵyndary úshin meditsinalyq qyzmettiń qoljetimdiligin arttyryp, buǵan deiin qajetti kómek alý úshin alys eldi mekenderge qatynaǵan turǵyndardyń ýaqytyn únemdeýge múmkindik beredi.
Ashylý saltanatynda aýdan ákimi Nurbaqyt Teńizbaev aýyl turǵyndaryn jańa meditsinalyq pýnktterdiń paidalanýǵa berilýimen quttyqtap, halyqqa sapaly meditsinalyq qyzmet kórsetýdiń mańyzdylyǵyna toqtaldy.
Saltanatty sharalarda meditsinalyq pýnktterdiń lentasy qiylyp, aqjoltai tilekter aityldy. Jiyndar aýdandyq kórkemónerpazdardyń kontserttik baǵdarlamasymen jalǵasty.
Taldy men Jaidaqbulaq aýyldaryndaǵy jańa meditsinalyq pýnktterdiń iske qosylýy – aýyldyq jerlerdegi áleýmettik infraqurylymdy nyǵaityp, meditsinalyq kómekti halyqqa barynsha jaqyndatýǵa baǵyttalǵan mańyzdy qadam.
