14 tamyz kúni saǵat 14:38-de joǵary kerneýli elektr jelilerinde bolǵan apat saldarynan Almaty qalasy men Almaty oblysynyń birqatar bóliginde jaryq óshti, dep habarlaidy dalanews.kz.
Málimetke sáikes, «KEGOC» AQ-ǵa qarasty 500 kV-tyq L-5400, L-5300 jáne L-5320 áýe jelileri avariialyq jaǵdaida ajyratylǵan. Osydan keiin «Alataý Jaryq Kompaniiasy» AQ jelilerinde apattyń saldaryn shekteýge arnalǵan avtomatty júieler iske qosylyp, tutynýshylardyń bir bóligi elektr qýatynan ajyratyldy.
Apatqa qarsy avtomatika jumysynyń nátijesinde shamamen 300 megavatt júkteme jeliden ajyratylǵan.
Almaty oblysynda jaryq Jambyl, Balqash, Esik, Qarasai, Shelek, Raiymbek, Uiǵyr, Ile, Kegen jáne Talǵar aýdandarynda óshken.
Almaty qalasynda elektr qýaty Bostandyq, Naýryzbai, Áýezov jáne Alataý aýdandarynyń turǵyndaryna ýaqytsha berilmei qaldy.
Qazirgi ýaqytta «Alataý Jaryq Kompaniiasy» AQ mamandary elektrmen jabdyqtaýdy tolyq qalpyna keltirý jumystaryn júrgizip jatyr. Kompaniia ókilderiniń aitýynsha, tutynýshylardy qaitadan jaryqqa qosý úshin qajetti sharalar qolǵa alynǵan.
