5 sáýirden bastap Almatyda moped júrgizýshileri tarapynan 1500-den astam jol erejesin buzý faktisi tirkeldi. Bul týraly óńirlik kommýnikatsiialar qyzmetinde ótken brifingte qalalyq politsiia departamentiniń resmi ókili Saltanat Ázirbek málimdedi, dep habarlaidy Dalanews.kz.
Ázirbektiń aitýynsha, osy quqyqbuzýshylyqtardyń 300-den astamy mopedterdi tirkeýsiz basqarýǵa qatysty bolǵan. Jalpy 500 moped aiypturaqqa qoiylǵan.
“Nege tirketpeisińder dep surasaq, kóbi ýaqyttyń jetispeýin, kameraǵa túsip qalýdan qorqatynyn aitady. Biraq bul — jaýapkershilikten ádeii jaltarý,” – dedi ol.
Jyl basynan beri Almatyda moped qatysqan 233 jol-kólik oqiǵasy tirkelip, 243 adam jaraqat alǵan, eki adam qaza tapqan.
“Ajal qushqandardyń biri — kámeletke tolmaǵan bala”, — dep tolyqtyrdy politsiia ókili.
Eske salaiyq, 5 sáýirden bastap Qazaqstanda jol qozǵalysy týraly zańǵa ózgerister kúshine endi: endi árbir moped tirkelýi tiis, al ony júrgizetin adamda “A” sanatty júrgizýshi kýáligi bolýy qajet.
