“Almaty Elektr stansıalary” kompanıasyna 4,4 mlrd teńge kóleminde aıyppul salyndy. Bul týraly Básekelestikti qorǵaý jáne damytý agenttiginiń baspasóz qyzmeti málimdedi, dep habarlaıdy Dalanews.kz.

Vedomstvo málimetinshe, AlES-ke qatysty tergeý nátıjesinde ákimshilik quqyqbuzýshylyq týraly is qozǵalǵan. Sot kompanıany ákimshilik jaýapkershilikke tartyp, 4,4 mıllıard teńge aıyppul salý jóninde qaýly shyǵarǵan.

Agenttiktiń Almaty qalasy boıynsha departamenti kompanıanyń naryqtaǵy ústem jaǵdaıyn asyra paıdalaný belgileri boıynsha tergeý júrgizgen.

“Indýstrıalyq aımaqta qalalyq elektr jelileri bolmaǵanyna qaramastan, AlES energıamen jabdyqtaýshy uıymdy elektr energıasyn tek qosymsha – ózimen affılırlengen uıymnyń jelileri arqyly jetkizý qyzmetimen birge satyp alýǵa mindettegen”, – dep túsindirdi antımonopolıa ókilderi.