2026 jylǵy 23 tamyzda Qazaqstanda Quryltai depýtattarynyń sailaýy ótedi. Kóptegen jastar úshin bul sailaýǵa qatysýdaǵy alǵashqy tájiribe bolýy múmkin, dep habarlaidy dalanews.kz.
Kim daýys bere alady?
Sailaýǵa 18 jasqa tolǵan Qazaqstan Respýblikasynyń azamattary qatysa alady. Daýys berý erikti jáne jasyryn túrde júrgiziledi. Bul QR-nyń «Qazaqstan Respýblikasyndaǵy sailaý týraly» Konstitýtsiialyq zańynda kózdelgen.
23 tamyzǵa deiin ne isteý kerek?
Eń aldymen, óz sailaý ýchaskeńizdi jáne sailaýshylar tiziminde bar-joǵyńyzdy teksergen jón. Bul úshin OSK tiisti tsifrlyq servisterdi usynady.
Bul ásirese jaqynda turǵylyqty jerin aýystyrǵan stýdentter men jastar úshin mańyzdy.
Ózińizben birge ne alý kerek?
Sailaý ýchaskesine jeke basyn kýálandyratyn qujatpen kelý qajet. Derekter tekserilgennen keiin sailaýshyǵa biýlleten beriledi.
Quryltai sailaýynda daýys berý partiialyq tizimder boiynsha júrgiziledi. Biýlletende jeti saiasi partiia, sondai-aq «Barlyǵyna qarsymyn» degen nusqa usynylady.
Qalai daýys berý kerek?
Sailaýshy biýlletende ózi tańdaǵan nusqanyń tusyna belgi qoiyp, ony daýys berýge arnalǵan jáshikke salýy qajet.
Bul rette daýys berý qupiiasyn saqtaý mańyzdy. OSK sondai-aq, toltyrylǵan biýlletendi sýretke túsirýge jáne sailaý kúni mundai jazbany taratýǵa tyiym salynǵanyn eske salady.
Eger alǵash ret daýys berseńiz — neni este ustaǵan jón?
Daýys berer aldynda jas sailaýshylarǵa saiasi partiialardyń baǵdarlamalarymen tanysyp, óz tańdaýyn dostarynyń pikirine nemese áleýmettik jelilerdegi jariialanymdarǵa ǵana súienbei, óz betinshe anyqtaǵany jón.
23 tamyz kóptegen qazaqstandyqtar úshin sailaý úderisimen alǵash tanysý kúni, sonymen qatar, jańa bir palataly Quryltaidy qalyptastyrýǵa qatysý múmkindigi bolady.
