Almaty qalasynyń túzetilgen biýdjetin 112,2 mlrd teńge somasynda naqtylaýmen qalalyq máslihattyń kezekti XIX sessiiasynda depýtattar qarady,dep habarlaidy Dalanews.kz.
Megapolis ákiminiń orynbasary Asqar Ámrin aitqandai, bul qarjy Memleket basshysynyń tapsyrmalaryn oryndaý aiasynda "Almaty qalasyn damytýdyń 2025 jylǵa deiingi baǵdarlamasynda jáne 2030 jylǵa deiingi orta merzimdi perspektivalarda" kózdelgen áleýmettik mańyzdy jobalardy qajetti qarjylandyrýdy qamtamasyz etýge arnalǵan.
Qala ákimdigi áleýmettik infraqurylymdy jańǵyrtý boiynsha júieli jumystar júrgizýde, dep habarlady A. Ámrin.
Naqtylaý sheńberinde áleýmettik blokty qarjylandyrý 31,6 mlrd teńgege kóbeidi. Onyń ishinde densaýlyq saqtaý salasyna qosymsha 5,4 mlrd teńge bólinedi. Bul almatylyqtar úshin densaýlyq saqtaý qyzmetteriniń qoljetimdiligi men sapasyn arttyrýǵa múmkindik beredi.
"Mádeniet jáne sport salasyna 3,1 mlrd teńge bólinedi. Qala aýdandaryn jańa kitaphanalarmen qamtamasyz etý, sondai-aq, ulttyq sport túrlerin damytý josparlanǵan, bul qala turǵyndarynyń mádenieti men dene shynyqtyrý belsendiligin arttyrady", - dedi A.Ámrin.
Onyń aitýynsha, turǵyn úi-kommýnaldyq sharýashylyq salasyn qarjylandyrý, sondai-aq "Aqsai" sý jinaǵyshyn jáne jelilerdi ýaqytyly salýǵa qarajat 10,8% nemese 22 mlrd teńgege ulǵaityldy. Qosymsha qarjylandyrý esebinen Almaty ákimdigi qala turǵyndarynyń sapaly aýyz sýǵa qoljetimdiligin qamtamasyz etedi.
"Kólik infraqurylymyn jańartý úshin qarjylandyrýdy 5,7%-ǵa ósirý arqyly 15,1 milliard teńge qarastyryldy. Josparlanǵan jobalardy júzege asyrý arqyly kólik salasyn odan ári damytý kózdelgen. Onyń ishinde jaqsy jáne ortasha jaǵdaidaǵy joldardyń úlesi 86%-dan 92%-ǵa deiin ósti", - dep sózin túiindedi megapolis ákiminiń orynbasary.
