Aitys aqyny, sazger, jýrnalist, filologiia ǵylymdarynyń kandidaty, ál-Farabi atyndaǵy QazUÝ jýrnalistika fakýltetiniń jýrnalistika tarihy kafedrasynyń aǵa oqytýshysy Bekjan Áshirbaev dúnieden ótti, dep habarlaidy dalanews.kz.
Bul týraly onyń jaqyndary men áriptesteri áleýmettik jelidegi jazbalarynda habarlady.
«Júregi qazaq dep soqqan, iri azamat edi. Elýinen endi ǵana asqanda bárin tárk etip kete bardy… Bekjan Áshirbaev aǵamyz ulttyq rýhaniiat alybynyń biri bolatyn. Armany kóp edi, ǵylymi dissertatsiiasyn da búgin-erteń qorǵaly júrgen-tuǵyn. Jetkizbedi ǵoi… Qosh, aǵa!» – dep jazylǵan kóńil aitý jazbasynda.
Bekjan Áshirbaev 1974 jyly Túrkistan oblysy Maqtaaral aýdanyndaǵy «Lenin joly» aýylynda dúniege kelgen. 1996 jyly Qazaq memlekettik ulttyq ýniversitetin támamdap, jýrnalistika fakýltetiniń jýrnalistika tarihy kafedrasyna oqytýshy bolyp jumysqa ornalasqan.
2001 jyly «Qazaq ýniversiteti» gazetiniń redaktory, 2008 jyly «Qazaq ádebieti» gazetiniń bas redaktorynyń orynbasary qyzmetterin atqarǵan.
Bekjan Áshirbaev 1989 jyldan beri respýblikalyq aqyndar aitysyna qatysyp, qazaqtyń aitys óneri men ulttyq rýhaniiatyna ózindik úles qosty.
Onyń qazasyna bailanysty áleýmettik jeli qoldanýshylary kóńil aityp, marqumnyń ǵylymi, shyǵarmashylyq jáne jýrnalistik eńbegin eske alýda.
