Aiman Talǵatqyzy Qytaiǵa jasaǵan sapary kezinde qaýipti tabiǵi qubylystyń aldyn alyp, elden erterek shyǵyp ketkenin áleýmettik jelidegi paraqshasynda bólisti, dep habarlaidy dalanews.kz.
Onyń aitýynsha, Qytaiǵa "Delfin" taifýny jaqyndap kele jatqany týraly aqparatty arnaiy qosymsha arqyly aldyn ala bilgen. Osydan keiin sapar josparyn ózgertip, biletterin eki kún erterek ýaqytqa aýystyrǵan.
"Biz qosymsha arqyly osyny aldyn ala bilip, eki kún erterek biletti aýystyryp ketip qaldyq", – dedi Aiman Talǵatqyzy.
"Delfin" taifýny 9 tamyzda Qytaidyń shyǵysyndaǵy Chjetszian provintsiiasyna jetken. Jaǵalaýǵa soqqan kezde jeldiń jyldamdyǵy saǵatyna shamamen 151 shaqyrymǵa deiin jetken.
Tabiǵi apat qaýpine bailanysty Qytaidyń shyǵys bóliginde millionnan astam turǵyn qaýipsiz jerge kóshirildi. Shanhaida da aýqymdy evakýatsiia sharalary júrgizildi.
Taifýn áýe jáne temirjol qatynasyna da aitarlyqtai áser etti. Shanhaida 1300-den astam reis toqtatylyp, Hanchjoý áýejaiyndaǵy júzdegen reis keiinge shegerildi.
Keiin Shanhaida rekordtyq nóser jaýyp, bir táýlikte shamamen 313 millimetr jaýyn-shashyn túskeni habarlandy. Bul keiingi 150 jyldan astam ýaqyttaǵy eń joǵary kórsetkishterdiń biri boldy.
