Búkil álem AES salyp, igiligin kórip otyrǵandan AES salýdan nege qorqamyz? Biz AES salsaq erteńgi kúni jarylyp ketpeitin shyǵar? Qorqynyshtyń da shegi bolýy kerek qoi.
Qazir Reseimen keskilesip soǵysyp jatqan Ýkrainada tórt AES jumys istep tur. Pýtin Zaporojskdegi AES-ti basyp aldy. Biraq jarýǵa dáti jetpedi. Jetpeidi de. Qoqan-loqydan aryǵa asqan emes.
Alaqandai Belorýste eki AES bar eken. Jer kólemi bizdiń jerimizden áldeqaida kishi Germaniiada 26 AES jumys istep tur.
Irgedegi kórshimiz Ózbekstan AES salýǵa qyzý kirsip ketti. Al biz bolsaq, Semeidegi jarylysty eske alyp, úreiden áli aryla almai otyrmyz.
Ekonomikany damytý úshin AES qajet. AES-tiń otynyn ózimiz shyǵaramyz. Demek ózimizde keminde úsh AES bolýy kerek.
Bala kezimizdi bir aǵamyz siyrshynyń qyzyn úige kelin qylyp túsirgende, álgi jeńeshemiz qalyń siyrdyń arasynda ósse de shaidy sút qatpai ishetinin kórgende aýyl bolyp tańqalǵan edik.
Al biz álemdegi AES-ke qajetti otyn shyǵarýdan qoryqpaimyz, AES salýdan nege qoryqmyz? Muny bóten elge estise kúletin shyǵar.
AES salyp, qorqynyshtan qutylaiyq! Orystan qoryqsaq, AES-ti frantsýzdar men káristerge salǵyzaiyq. Olarǵa senýge bolady ǵoi.
Nurlan JUMAHAN
