Elordadaǵy Táýelsizdik saraiynda «Ádilet» partiiasynyń III kezekten tys sezi óz jumysyn bastady, dep habarlaidy dalanews.kz.
Sezge elimizdiń barlyq óńirinen 1000-nan astam delegat, partiianyń oblystyq filialdarynyń ókilderi, qoǵamdyq uiymdar, sarapshylar qaýymdastyǵy jáne arnaiy shaqyrylǵan qonaqtar qatysyp jatyr.
Plenarlyq otyrys aldynda partiianyń Saiasi keńesiniń otyrysy ótip, onda sezdiń kún tártibi men partiia qyzmetiniń negizgi baǵyttary talqylandy.
Sezd barysynda delegattar sailaýaldy baǵdarlamany, Quryltai depýtattyǵyna kandidattardyń partiialyq tizimin bekitedi. Sonymen qatar partiia jarǵysyna ózgerister men tolyqtyrýlar engizý, múshelik jarnalardyń mólsherin aiqyndaý jáne qorytyndy qaýlyny qabyldaý josparlanyp otyr.
Partiianyń málimetinshe, 10 shildege deiin uiymdyq qurylym tolyq qalyptastyrylǵan. Óńirlik jeli qurylyp, basqarýshy organdar jasaqtalǵan. Óńirlik saiasi keńesterdiń quramyna 808 adam, al baqylaý-tekserý komissiialaryna 100 adam engen.
Olardyń qatarynda shaǵyn jáne orta biznes, bilim men ǵylym, úkimettik emes uiymdar, kásipodaqtar, mádeniet, sport, ónerkásip, kólik, turǵyn úi-kommýnaldyq sharýashylyq, densaýlyq saqtaý, buqaralyq aqparat quraldary, ekonomika, quqyq, IT jáne kreativti indýstriia salalarynyń ókilderi bar.
Aita keteiik, «Ádilet» partiiasy túrli kásibi qaýymdastyqtar men qoǵamdyq birlestikter ókilderiniń bastamasymen qurylǵan. Partiianyń quryltai sezi biyl 7 mamyrda Astanada ótti. Al 1 maýsymda Qazaqstan Respýblikasy Ádilet ministrligi partiiany resmi túrde tirkedi.
Qazirgi ýaqytta partiianyń III kezekten tys sezi jalǵasyp jatyr.
