«Ádilet» partiiasynyń Quryltai depýtattyǵyna kandidattar tizimine Senatta jumys istegen tórt saiasatker engizildi, dep habarlaidy dalanews.kz.
Partiialyq tizimge burynǵy senatorlar Nurlan Beknazarov, Evgenii Bolgert, Begaly Eraliev, sondai-aq Senat tóraǵasynyń burynǵy orynbasary Olga Perepechina endi.
Osylaisha, partiia quramynda Májilis depýtattarymen qatar, Parlamenttiń joǵarǵy palatasynda qyzmet atqarǵan tájiribeli saiasatkerler de bar.
Aita keteiik, «Ádilet» partiiasynyń III kezekten tys sezinde Quryltai depýtattyǵyna kandidattardyń partiialyq tizimi bekitildi. Tizimge memlekettik qyzmet, bilim berý, quqyq, ekonomika, biznes jáne qoǵamdyq sektordyń ókilderi engizildi. Sonymen qatar partiia atynan Memlekettik keńesshi Erlan Karin, burynǵy oqý-aǵartý ministri Ashat Aimaǵambetov, Joǵary aýditorlyq palatanyń burynǵy tóraiymy Natalia Godýnova jáne basqa da tanymal tulǵalar usynyldy.
