«Ádilet» partiiasy Qazaqstandaǵy alǵashqy Quryltai sailaýynda jeńiske jetip, 110 depýtattyq mandatqa ie boldy, dep habarlaidy dalanews.kz.
Bul týraly Ortalyq sailaý komissiiasynyń aldyn ala daýys sanaý qorytyndysy boiynsha belgili boldy.
Aldyn ala esep boiynsha, sailaýshylardyń basym bóligi «Ádilet» partiiasyna daýys bergen. Partiia 71,17% daýys jinaǵan.
Qalǵan saiasi uiymdardyń nátijesi tómendegidei:
• «Aýyl» partiiasy - 6,26%, 10 mandat;
• Respublica - 5,56%, 9 mandat;
• «Aq jol» demokratiialyq partiiasy - 5,21%, 8 mandat;
• Jalpyulttyq sotsial-demokratiialyq partiia - 5,11%, 8 mandat;
• Qazaqstannyń Halyq partiiasy - 3,11%;
• «Baitaq» Qazaqstan jasyldar partiiasy - 1,07%;
• «Barlyǵyna qarsymyn» nusqasy - 2,51%.
Osylaisha, aldyn ala qorytyndy boiynsha Quryltaidaǵy depýtattyq mandattardyń negizgi bóligi «Ádilet» partiiasyna tiesili bolady.
Aita keteiik, 23 tamyzda ótken Quryltaidyń alǵashqy sailaýynan keiin jariialanǵan ekzitpol nátijeleri de «Ádilet» partiiasynyń jeńisin kórsetken. 24 tamyzdaǵy aldyn ala daýys sanaý nátijesi de partiianyń kósh bastaǵanyn rastady.
Quryltai sailaýynyń túpkilikti qorytyndysyn Ortalyq sailaý komissiiasy zańnamada belgilengen tártippen jariialaidy.
