Densaýlyq saqtaý ministri Aqmaral Álnazarova Úkimet otyrysynda mektepterdiń jańa oqý jylyna daiyndyǵy jáne oqýshylardyń densaýlyǵyn saqtaý sharalary týraly baiandady, dep habarlaidy dalanews.kz.
Ministrdiń málimetinshe, biyl maýsym aiynda bilim berý nysandaryna sanitariialyq-epidemiologiialyq monitoring júrgizilgen. Tekserý nátijesinde anyqtalǵan zań buzýshylyqtardy joiý jóninde 8 400 nusqama berilip, 287 jedel shara qabyldanǵan.
"Sonyń ishinde 247 bilim berý nysanynyń qyzmetine tyiym salyndy. Olardyń 240-ynda sanitariialyq-epidemiologiialyq qorytyndy bolmaǵan. Taǵy jeti mektep apatty ǵimaratta ornalasqany úshin jumysyn toqtatty", - dedi ol.
Budan bólek, sanitariialyq-tehnikalyq jaǵdaiy talapqa sai kelmeitin jáne injenerlik jelileri jaramsyz 40 nysannyń qyzmeti ýaqytsha toqtatylǵan.
Ministr oqýshylardyń densaýlyǵyn tekserý qorytyndylaryna da toqtaldy. 2026 jyldyń alǵashqy alty aiynda 2,3 million bala profilaktikalyq meditsinalyq tekserýden ótken. Olardyń 11 paiyzynan túrli aýrý anyqtalǵan. Balalar arasynda tis jegisi, qanazdyq jáne alystan kórmeý derti jii kezdesedi.
"Biyldan bastap oqýshylardy meditsinalyq tekserýden ótkizý tártibi jańartylyp, bul jumys kezeń-kezeńimen tsifrlyq júiege kóshirilip jatyr. Balalardyń densaýlyǵyn baǵalaý kezinde jasandy intellekt elementterimen jabdyqtalǵan EKG apparaty, fonendoskop, pýlsoksimetr, otoskop jáne aýyz qýysyn tekserýge arnalǵan kameralar qoldanylady", - dep túiindedi ol.
