23 tamyzda ótetin Quryltai depýtattaryn sailaý kezinde azamattarǵa toltyrylǵan biýlletendi sýretke nemese videoǵa túsirip, ony taratýǵa tyiym salynady. Bul týraly Ortalyq sailaý komissiiasy otyrysynda komissiia múshesi Lázzat Súiindik aitty, dep habarlaidy dalanews.kz.
Onyń sózinshe, "Qazaqstan Respýblikasyndaǵy sailaý týraly" konstitýtsiialyq zańǵa sáikes daýys berý kúni toltyrylǵan biýlletendi túsirýge jáne jariialaýǵa bolmaidy.
Bul rette sailaý ýchaskesinde sýretke túsýge ruqsat etiledi. Mysaly, azamat daýys berý jáshiginiń janynda nemese biýlletendi jáshikke salyp jatqan sátin sýretke túsire alady. Alaida sýretten onyń qai partiiaǵa nemese kandidatqa daýys bergeni kórinbeýge tiis.
Lázzat Súiindik bul shekteý tek daýys berý kúnine qatysty ekenin málimdedi. Sailaý aiaqtalǵannan keiin mundai materialdardy jariialaýǵa tyiym salynbaidy.
