Qazaqstan quramasy dziýdodan Gýaiakilde (Ekvador) ótip jatqan kadetter arasyndaǵy álem chempionatynda ekinshi altyn medalin jeńip aldy, dep habarlaidy dalanews.kz UOK-qa siltep.
52 kelige deiingi salmaqta Fatima Supyǵalieva jeńimpaz atandy. Finalda qazaqstandyq sportshy Kseniia Kirilchýkti (Ýkraina) jeńdi.
Sondai-aq, Injý Jumajan (57 kelige deiin) finalǵa shyqty. Sheshýshi beldesýde otandasymyz Iagoda Tsiýpikke (Polsha) ese jiberip, álem chempionatyn kúmis medalmen aiaqtady.
Erler arasynda Erik Úsenov (66 kelige deiin) pen Erken Bekali (73 kelige deiin) qola júldege ie boldy. Aita keteiik, álem chempionatynyń alǵashqy kúninde Ǵabit Rasýlhan (60 kelige deiin) álem chempiony atandy. Ádiljan Nurbeken (50 kelige deiin) men Adiia Janahmet (40 kelige deiin) kúmis júldege ie boldy.
Al Bekarys Qudaibergen (50 kelige deiin) men Ahmet Baýbek (60 kelige deiin) álem chempionatynyń qola júldegerleri atandy.
