Ákimdikter 2026 jyldyń sońyna deiin taǵy 64 mekteptiń qurylysyn aiaqtaýǵa tiis. Bul týraly Úkimet otyrysynda premer-ministr Oljas Bektenov málimdedi, dep habarlaidy dalanews.kz.
Onyń aitýynsha, 1 qyrkúiekte Qazaqstanda 47 jańa mektep ashylady. Onyń 20-sy "Keleshek mektepteri" jobasy aiasynda salynyp jatyr. Premer-ministr jańa mektepter oqý jyly bastalǵanǵa deiin tolyq daiyn bolýyn qamtamasyz etýdi tapsyrdy.
Oljas Bektenovtiń sózinshe, úsh aýysymdy oqytý men oryn tapshylyǵyn azaitý baǵytynda oń ózgeris bar. Degenmen óńirler jyl sońyna deiin taǵy 64 mekteptiń qurylysyn aiaqtaýy kerek.
Sonymen qatar, 1 qyrkúiekke deiin eldegi 106 mektepte jóndeý jumystaryn aiaqtaý qajet.
Premer-ministr birqatar óńirde 13 mektep boiynsha jóndeý jumystarynyń qarqyny baiaý ekenin atap ótti. Olardyń qatarynda Almaty qalasy, Abai, Aqmola jáne Batys Qazaqstan oblystary bar.
Ol óńir ákimderine mektepterdegi jóndeý jumystary belgilengen merzimde aiaqtalýyn jeke baqylaýǵa alýdy tapsyrdy.
