Олжас Бектенов АЭС салу мәселесі бойынша референдумда дауыс берді,- деп хабарлайды Dalanews.kz.
Премьер-Министр Олжас Бектенов Қазақстанда атом электр станциясын салу мәселесі бойынша жалпыұлттық референдумға қатысты. Үкімет басшысы Әл-Фараби атындағы Оқушылар сарайында орналасқан № 61 сайлау учаскесінде өз даусын берді.
Бүгін Қазақстан аумағында АЭС салу мәселесі бойынша республикалық референдум өтіп жатыр.
Референдум бойынша дауыс беру бүгін, 6 қазанда сайлау учаскелерінде сағат 07:00-ден 20:00-ге дейін өтеді. Бұл ретте 80-нен аса учаске өз жұмысын 06:00-де бастады. Республика бойынша дауыс беруге арналған 10 000-нан аса учаске бар. Шетелде Сеул мен Токиода учаскелер бірінші ашылды.
Жергілікті атқарушы органдар республика бойынша дауыс берушілердің тізіміне 12 миллион 244 мың 683 азаматты енгізді.
