Belgili kompozitor Qaldybek Qurmanáli aqyn Bekjan Áshirbaevtyń qazasy jaily áserli jazba jariialady, dep habarlaidy dalanews.kz.
"Bekjan baýyrym, keshir meni... Keshigip qaldym...
Aýylda edim. Tasqudyqta… Aýa-raiy +40 gradýs ystyqty kórsetip turdy… Jaraly júregimnen sekem alyp, kúndiz-túni jeldetkishti qosyp, jan saqtap otyrǵan kezim bolatyn…
Bekjan baýyrym telefon shaldy.
– Qal-aǵa, sizdiń tanymaityn dárigerińiz joq qoi, meni aýrýhanaǵa jatqyzbasańyz, jaǵdaiym kúnnen kúnge qiyndap barady, – dedi…
– Ýaiymdama, 10 kúnnen keiin Almatyda bolamyn, jolyǵyp, aqyldasamyz… Myqty, bilgir dárigerlerge ózim ertip aparyp, densaýlyǵyńdy kórsetemin, – degen edim…
Bekjan baýyrym, keshigip qaldym... Keshir meni...
Jaraly júregim syzdap, ishim qan jylap tur…
…Taǵdyrdyń salǵan isine,Ne istersiń, janym, ne istersiń?…
Baqul bol, baýyrym!.." – dep jazdy Qaldybek Qurmanáli.
