Ferrah ýálaiatynda qarýly top jergilikti Taliban jasaqtarynan IM basshysy Ábý Bákir Ál Baǵdadiǵa ant etip, moiynsunýdy talap etken. Bul týraly Aýǵan armiiasynyń Ferrah ýálaiaty basshysy, general Asaýllah Kohistani málimdedi. IM sarbazdary Taliban baqylaýyndaǵy Haki Saffed aimaǵyna shabýyl jasaǵan. Shabýyl barysynda IM-niń 15 múshesi oqqa ushyp. 12 adam tutqynǵa túsken. Tutqyndar arasynda ulty ózbek bir áiel de bar. Taliban jaǵynan 12 jaýynger qaza tapqan.
Janjalǵa Aýǵan áskerin aralastyrý týraly saýalǵa Kohistani: «Qaqtyǵys bolǵan aimaq taýly jáne shalǵaida ornalasqan, ásker jiberý birshama qiyndaý. Ortalyqtan áýe kúshterin surattyq. Taliban da, IM de – bizdiń jaýymyz. Qazirgi kezde eki jaq bir birine soǵys jariialaǵan», – dep jaýap berdi.
IM sarbazdary Taliban aimaǵynda óz sapyna jaýynger jinaý maqsatymen Talibanǵa soǵys jariialaǵan. Ótken aptada dál osy aýmaqta Taliban men IM jasaqtary arasynda janjal bolyp, Taliban komandiri qaza tapqan.
Aljazeera jańalyqtarynan ázirlegen Nazar Turyqbaiuly
