Ónertapqysh ministrge óziniń jańa jobasy - qazaqstandyq elektromobildi tanystyrdy, dep habarlaidy Dalanews.kz.
Sanjar Taijan óz komandasymen birge benzinmen júretin avtomobilderdi batareiamen qozǵalatyn elektr kólikteri etip, qaita jańǵyrtady. Qazaqstandyq ónertapqysh mashinanyń prototipin Ministrge kórsetip, erekshelikteri týraly aityp berdi.
"Qazir elektr kóligi jaqsy aýa-raiynda 100 shaqyrymnan astam qashyqtyqqa júre alady. Al biz ony 500-600 shaqyryǵa deiin arttyra alamyz. Basty maqsatymyz - elektromobilderdiń alǵashqy qazaqstandyq brendin jasaý. Jaqyn arada dizainy múldem jańa 30 prototip ázirlep, modelge 200-den astam patent alýdy josparlap otyrmyz", - deidi Sanjar Taijan.
Startap eń aldymen taksidi qosa alǵanda elimizdegi qoǵamdyq kólikti elektr túrine aýystyrýdy kózdeidi.
Ministr Beibit Atamqulov tabiǵatty saqtaýǵa jáne jańartylatyn qýat kózderin paidalanýǵa yqpal etetin jańa tehnologiialardy damytýdy qoldaýdyń mańyzdylyǵyn atap ótti.
QR IIDM men Sanjar Taijannyń kompaniiasy jobany iske asyrý úshin birlesip investorlar izdestirýdi josparlap otyr. Sondai-aq, Ministrlik startapty damytýǵa jáne onyń ónimderin ilgeriletýge járdemdesedi.
https://youtu.be/qF8c9USl-WA
