Ózdiginen ushatyn ushaqqa qoldanatyn TEI-PD170 dep atalatyn qozǵaltqyshynyń óndirisi Eskishehir qalasynda ornalasqan.
Mamandardyń aitýynsha, TEI-PD170 qozǵaltqyshy ushaqtardy kókke kóterýde, janarmaidy únemdep óziniń tiimdiligin kórsetken. Jańa qozǵaltqyshty TUSAŞ kompaniiasynyń mamandary qurastyryp shyǵardy. Túrik injenerleriniń taza ónimi.
Óz kezeginde Murat Aqshit jańa qozǵaltshyqtar Anka jáne Aksungur ushqyshsyz ushatyn ushaqtaryna ornatylatynyn aitty. Bul qozǵaltqyshty túrik injenerleri osydan 2 jyl buryn daiyndaǵan-dy. Endi qozǵaltqyshty óndiristik deńgeide shyǵarýǵa qol jetkizip otyr.
O basta 13 qozǵaltyqysh qurastyrylyp, synaqtan sátti ótkennen keiin, taǵy 40 danasy qurastyrylǵan bolatyn. Endi jańa qozǵaltqysh óndiristik deńgeide shyǵarylady.
Osy rette jańa qozǵaltuyshtar Bayraktar TB3 ushaǵyna da qoldanylatynyn aita ketýimiz kerek. Óz kezeginde Baykar kompaniiasynyń jetekshisi Selchýk Bairaktar «Jańa qozǵaltqyshty Bayraktar TB3 ushaǵyna salýdy asyǵa kútip otyrmyz. Endi ushaq qurastyrǵanda onyń qozǵaltqyshyn syrt elderden satyp almaityn boldyq» dep jazdy Twitter paraqshasyna.
Murat Aqshit TEI-PD170 qozǵaltqyshy synaqtan sátti ótkennen keiin barynsha jetildirilip, bastapqy kezeńnen 10 kelige jeńildeginen atap ótti.
