Jiynǵa Túrkistan oblysynyń ákimi Darhan Satybaldy, Q.A.Iasaýi atyndaǵy HQTÝ rektory Janar Temirbekova men rektor ókili Peiami Battal jáne qala turǵyndary qatysty.
Oblys basshysy Túrkistandy túrki áleminiń ortalyǵyna ainaldyrýda baýyrlas memlekettermen rýhani bailanysty tereńdetýdiń mańyzdylyǵyn aityp ótti.
– Tanymal saiasatker, Túrkiia Respýblikasynyń Premer-Ministri qyzmetin atqarǵan Adnan Menderestiń Túrki jurtyna ortaq tulǵa ekendigi barshamyzǵa aian.
Ótken ǵasyrdyń 50-shi jyldary qazaqtardyń Túrkiiaǵa qonystanýyna sebepker bolyp, 4 jylǵa jýyq sozylǵan qonys aýdarý protsesine ózi basshylyq etken saiasi tulǵanyń tarihta alar orny bólek.
Osyǵan orai, byltyr Memleket basshysy Qasym-Jomart Toqaevtyń tapsyrmasyna sáikes, Túrkistan qalasyndaǵy kóshelerdiń birine Adnan Menderestiń esimi berildi.
Búgin sol is-shara jalǵasyn taýyp, tarihi tulǵanyń esketkishiniń ashylý saltanatyna kýá bolyp otyrmyz. Kúlli túrki jurtynyń rýhani astanasy Túrkistanda qos elge ortaq tulǵanyń esimin jańǵyrtý – zańdylyq. Biyl Túrkiiada jer silkinisi bolyp, túrik baýyrlarymyz zardap shekti. Osy qiyn shaqta Qazaq halqy Túrkiiamen birge ekenin dáleldedi. Prezidentimizdiń tapsyrmasymen qoldaý kórsetildi. Bul – eki baýyrlas el arasyndaǵy tereń bailanystyń belgisi, – dedi Darhan Satybaldy.
Saltanatty jiynda eskertkishke gúl shoqtary qoiyldy. Aitystyń aqtańgeri Bekarys Shoibekov eki eldiń birligi týraly arnaý aitsa, Q.A.Iassaýi atyndaǵy halyqaralyq qazaq-túrik ýniversiteti rektorynyń ókili Peiami Battal da jyly lebizin bildirip, tulǵany ulyqtaǵan qazaq halqyna alǵysyn jetkizdi.
Adnan Menderes – túrik saiasatkeri, Túrkiianyń Premer-Ministri (1950-1960). Túrkiiany damytýǵa úles qosqan kóshbasshylarynyń biri. Sonymen birge bul saiasi qairatker Pákistandaǵy qazaqtardy Túrkiiaǵa kóshirýge yqpal etip, qoldaý kórsetken. 1952 jyly bastalǵan qazaq kóshi birneshe jylǵa deiin jalǵasqan.
